प्रसिध्द बांग्ला अभिनेत्री सुप्रिया देवी यांचे निधन
- पश्चिम बंगालच्या प्रसिद्ध अभिनेत्री सुप्रिया देवी यांचे वयाच्या ८३व्या वर्षी २६ जानेवारी रोजी निधन झाले.
- सुप्रिया देवी या नावाने प्रसिद्ध असलेल्या सुप्रिया चौधरी यांना २०१४साली पद्मश्री पुरस्काराने सन्मानित करण्यात आले आहे. २०११मध्ये त्यांना बंग विभूषणनेही सन्मानित करण्यात आले आहे.
- सुप्रिया देवी यांना ‘मेघे ढाका तारा’ या बंगाली चित्रपटासाठी ओळखले जाते. जवळपास ५० वर्ष त्यांनी बंगाली चित्रपटांमध्ये आपले योगदान दिले.
- या व्यतिरिक्त त्यांनी सन्यासी राजा, स्वरलिपी, कोमल गांधार, अनारकली आदी चित्रपटांमध्ये आपल्या सर्वोत्कृष्ट अभिनयाची झलक दाखविली.
- सुप्रिया देवी यांचा जन्म म्यानमार (तेव्हाचा बर्मा) येथे झाला होता. त्याठिकाणी त्यांचे वडील गोपाल चंद्र बॅनर्जी वकील होते.
- त्यांनी उत्तम कुमारसोबत १९५२ मध्ये ‘बासु परिवार’ या चित्रपटातून अभिनय क्षेत्रात प्रवेश केला होता.
- १९५९साली ‘सोनार हरिन’ या चित्रपटानंतर त्यांचा इंडस्ट्रीतील प्रवास खऱ्या अर्थाने सुरु झाला. या चित्रपटातही त्यांनी उत्तम कुमारसोबत काम केले होते.
- त्यांच्या अभिनयगुणांमुळे बंगालची सोफिया लॉरेन, बंगालच्या महामालिकांची जननी अशी नामाभिधाने त्यांना प्राप्त झाली.
अस्मिता योजनेला मंत्रिमंडळाची मंजुरी
- राज्य सरकारने अर्थसंकल्पात जाहीर केलेल्या अस्मिता योजनेला मंत्रिमंडळाने मंजुरी दिली आहे.
- या योजनेनुसार ग्रामीण भागातील शाळकरी मुली आणि महिला यांना माफक दरात सॅनिटरी नॅपकिन्स मिळणार आहेत.
- अस्मिता योजना ग्राम विकास खात्याच्या उमेद अभियानातर्फे राबवली जाणार आहे. महिला दिन अर्थात ८ मार्चपासून आम्ही ही योजनेची अंमलबजावणी सुरु होईल.
- महिलांचे आरोग्य आणि स्वच्छता याकडे लक्ष केंद्रीत करण्यासाठी ही योजना आणण्यात आली आहे.
- या योजनेमुळे मुलींमध्ये आत्मविश्वास वाढण्यास मदत होईल तसेच त्यांचे आरोग्यही चांगले राहिल व मुलींचे शाळेत जाण्याचे प्रमाण वाढेल.
बोपन्ना-बाबोस जोडीला ऑस्ट्रेलियन ओपनचे उपविजेतेपद
- भारताचा रोहन बोपन्ना आणि हंगेरीची टिमिया बाबोस यांना ऑस्ट्रेलियन ओपन टेनिस स्पर्धेच्या मिश्र दुहेरीच्या उपविजेतेपदावर समाधान मानावे लागले आहे.
- बोपन्ना-बाबोस जोडीला क्रोएशियाचा मॅट पॅव्हिक आणि कॅनडाची गॅब्रिएल डेब्रोवस्की या जोडीने २-६, ६-४, ११-९ असे पराभूत केले.
- पॅव्हिकसाठी पुरूष दुहेरीपाठोपाठ हे दुसरे विजेतेपद ठरले तर टिमिया बाबोसचा मात्र दुहेरी मुकूटाचा मान हुकला. ती क्रिस्टीना लाडेनोव्हिकसोबत महिला दुहेरीत अजिंक्य ठरली होती.
| ऑस्ट्रेलियन ओपन - अंतिम विजेते | ||
|---|---|---|
| प्रकार | विजेते | उपविजेते |
| पुरुष एकेरी | रॉजर फेडरर | मारीन चिलिच |
| महिला एकेरी | कॅरोलिन वॉझनियाकी | सिमोना हालेप |
| पुरुष दुहेरी | ऑलिव्हर मराच व मॅट पॅव्हिक | जे कबल व रॉबर्ट फराह |
| महिला दुहेरी | टिमिया बाबोस व ख्रिस्तिना लादेनोविच | एकाटेरीना मॅकारोव्हा व एलिना व्हेसनिना |
| मिश्र दुहेरी | मॅट पॅव्हिक व गॅब्रिएल डेब्रोवस्की | रोहन बोपण्णा व टिमिया बाबोस |
ग्रॅमी पुरस्कार २०१८
- अमेरिकी गायक, संगीतकार पीटर जेने हर्नांडेझ ऊर्फ ब्रुनो मार्स यांनी ६०व्या ग्रॅमी पुरस्कार सोहळ्यात सर्वाधिक सहा पुरस्कारांवर नाव कोरले.
- त्याच्या खालोखाल रॅप संगीत कलावंत केंड्रिक लॅमरने ५ पुरस्कार पटकावले. तरुणांमध्ये अल्पावधीत लोकप्रिय झालेला ब्रिटिश गायक व गीतकार एड शिरन याला २ पुरस्कारांनी गौरवण्यात आले.
कोणत्याही टिप्पण्‍या नाहीत:
टिप्पणी पोस्ट करा