डिफेन्स इंडिया स्टार्ट-अप चॅलेंज
- संरक्षण नवोन्मेष संघटनेने इनोव्हेशन फॉर डिफेन्स एक्सलन्स (iDEX) योजनेंतर्गत नवकल्पनांना प्रोत्साहन देण्यासाठी डिफेन्स इंडिया स्टार्ट-अप चॅलेंज सुरु केले आहे.
- हा उपक्रम संरक्षण उत्पादन विभाग, संरक्षण मंत्रालय, अटल इनोवेशन मिशन आणि नीती आयोगाच्या सहकार्याने सुरू करण्यात आले आहे.
- या उपक्रमाद्वारे भारताच्या संरक्षण सामग्रीच्या तांत्रिक गरजा पूर्ण करण्यासाठी प्रस्ताव मागविण्यात आले आहेत.
या चॅलेंज अंतर्गत ११ समस्यांची यादी
- संरक्षण मंत्रालयाने ११ समस्यांची यादी तयार केली आहे, ज्यावरील उपाय भारतीय स्टार्ट-अप व्यवस्थेकडून येणे अपेक्षित आहे. या ११ समस्या खालीप्रमाणे:
- बिल्ट-ईन सेन्सरसह वैयक्तिक सुरक्षा प्रणाली
- पारदर्शक कवच (आर्मर)
- कार्बन फायबर विन्डींग
- सक्रिय संरक्षण प्रणाली (ॲक्टीव्ह प्रोटेक्शन सिस्टम)
- ऑफलाइन एन्क्रिप्ट आधारित सुरक्षित हार्डवेअर
- ४-जी/एलटीई आधारित टॅक्टीकल लोकल एरिया नेटवर्कचा विकास
- अत्याधुनिक जल शुध्दीकरण प्रणालीचा विकास
- लॉजिस्टिक आणि एससीएममध्ये आर्टिफिशियल इंटेलिजेंस
- मानवरहित जलमग्न आणि जमिनीवरील वाहने.
- रिमोटली पायलटेड हवाई वाहने
- लेझर आधारित हत्यारे (वेपनरी)
- या ११ समस्यांसाठी कार्यरत प्रोटोटाइप तयार करण्याची अथवा विद्यमान तंत्रज्ञान वापरून या समस्या सोडवण्याची क्षमता आणि इच्छा असणाऱ्या स्टार्ट-अप्सना १.५ कोटी रुपये अनुदान/इक्विटी/कर्ज/इतर स्वरूपात देण्यात येतील.
संरक्षण नवोन्मेष संघटना
- इंग्रजी: डिफेन्स इनोव्हेशन ऑर्गनायझेशन
- ही एक ना-नफा आधारित संस्था आहे. तिचे मुख्यालय बंगळूरूमध्ये आहे.
- या संघटनेला हिंदुस्तान एरोनॉटिक्स लि. (एचएएल) व भारत इलेक्ट्रॉनिक्स लि. (बीईएल) या कंपन्यांद्वारे निधी दिला जातो.
इनोव्हेशन फॉर डिफेन्स एक्सलन्स (iDEX)
- देशात संरक्षण आणि एरोस्पेस क्षेत्रात नवोन्मेष आणि तंत्रज्ञान विकासाला प्रोत्साहन देण्यासाठी ही योजना सुरु करण्यात आली आहे.
- याद्वारे स्टार्ट-अप्स, वैयक्तिक इनोव्हेटर्स, संशोधन आणि विकास संस्था, सूक्ष्म, लहान व मध्यम उद्योग (एमएसएमई) इत्यादींना निधी/अनुदानाद्वारे सरंक्षण क्षेत्रातील कार्यासाठी प्रोत्साहित केले जाते.
कोणत्याही टिप्पण्‍या नाहीत:
टिप्पणी पोस्ट करा