चालू घडामोडी : २२ फेब्रुवारी

अवनी चतुर्वेदी : लढाऊ विमान उडवणाऱ्या पहिल्या महिला वैमानिक

  • फ्लाईंग ऑफिसर अवनी चतुर्वेदी या भारतीय हवाई दलातील लढाऊ विमान उडवणाऱ्या पहिल्या महिला वैमानिक ठरल्या आहेत.
  • १९ फेब्रुलारीला गुजरातच्या जामनगर येथील हवाई तळावरुन अवनी यांनी ‘फाइटर एअरक्राफ्ट मिग २१’च्या साथीने उड्डाण घेतले आणि यशस्वीपणे मिशन पूर्णही केले.
  • जगभरात ब्रिटन, अमेरिका, इस्त्रायल आणि पाकिस्तान अशा निवडक देशांमध्येच महिलांना लढाऊ वैमानिक होण्याची संधी दिली जाते.
  • भारतात ऑक्टोबर २०१५मध्ये केंद्र सरकारने महिलांना लढाऊ वैमानिक होण्याची संधी उपलब्ध करुन दिली.
  • महिला लढाऊ वैमानिक बनवण्यासाठी २०१६मध्ये पहिल्यांदाच तीन महिला अवनी चतुर्वेदी, मोहना सिंह आणि भावना यांना हवाई दलात सामील केले होते.
  • अवनी मध्य प्रदेशातील रेवा जिल्ह्यातील आहे. तिने आपले प्रशिक्षण हैदराबाद एअरफोर्स अकॅडमीतून पूर्ण केले आहे.
  • भारताचे हवाईदल प्रमुख : एअर चीफ मार्शल बी एस धनोआ

नवाज शरीफ पीएमएल-एन पक्षाच्या अध्यक्षपदासाठी अपात्र

  • पाकिस्तानचे माजी पंतप्रधान नवाज शरीफ यांना तेथील सर्वोच्च न्यायालयाने पाकिस्तानातील सत्ताधारी पक्ष पाकिस्तान मुस्लिम लीग-नवाजच्या (पीएमएल-एन) अध्यक्षपदासाठी अपात्र ठरविले आहे.
  • त्यामुळे पंतप्रधान पदानंतर शरीफ यांना आता पक्षाध्यक्ष पदावरूनही पायउतार व्हावे लागणार आहे.
  • गेल्या वर्षी पनामा पेपर लिक प्रकरणात सर्वोच्च न्यायालयाने शरीफ यांना दोषी ठरवत पंतप्रधानपदावरून हटवले होते.
  • पंतप्रधानपदावर असताना नवाज शरीफ आणि त्यांच्या कुटुंबीयांनी परदेशात अवैध संपत्ती गोळा केल्याचा आरोप आहे.
  • संयुक्त तपास पथकाने (जेआयटी) नवाज शरीफ प्रकरणाचा तपास केला होता. जेआयटीच्या अहवलात शरीफ आणि कुटुंबीयांवरील आरोप योग्य असल्याचे सिद्ध झाले होते.

दक्षिण आफ्रिकेतील गुप्ता साम्राज्याला उतरती कळा

  • दक्षिण आफ्रिकेचे राष्ट्राध्यक्ष जेकब झुमा यांनी पदत्याग केल्यानंतर दक्षिण आफ्रिकेतील अजय, अतुल, राजेश या गुप्ता बंधुंच्या साम्राज्याला उतरती कळा लागली आहे.
  • गेले अनेक महिने गुप्ता बंधुंवर वेगवेगळे आरोप करण्यात आले होते. मात्र केवळ तपास चालू आहे असे सांगत तपास यंत्रणांनी कोणतीही प्रत्यक्ष कारवाई त्यांच्यावर केली नव्हती.
  • मात्र १४ फेब्रुवारीला राष्ट्राध्यक्ष जेकब झुमा यांनी पायउतार होण्याचा निर्णय घेतला आणि त्यांच्यावर कारवाईला सुरुवात झाली.
  • गुप्तांच्या जोहान्सबर्गमधील सॅक्झनवर्ल्ड येथील आलिशान अशा संकुलावर छापा टाकण्यात आला तसेच त्यांच्या अनेक सहकार्यांना अटक झाली. तसेच गुप्ता बंधूंमधील ज्येष्ठ बंधू अजयला फरारही घोषित करण्यात आले.
 गुप्ता बंधुंवरील आरोप 
  • लग्नसमारंभात पाहुण्यांची ये-जा करण्यासाठी अत्यंत सुरक्षित अशा लष्करी तळाचा वापर करणे.
  • सरकारी कंपन्यांमध्ये आपले लोक विविध पदांवर बसवणे.
  • नेमणुका करण्यासाठी कॅबिनेटमधील सदस्यांवर प्रभाव टाकणे.
  • मोठ्या रकमेचा भ्रष्टाचार करणे.
 गुप्ता बंधुंबद्दल 
  • १९९० दशकात सुरुवातीच्या वर्षांमध्ये गुप्ता कंपनी भारतातून दक्षिण आफ्रिकेत गेली. खाण उद्योगाबरोबर अनेक व्यवसायांध्ये त्यांनी बस्तान बसविले.
  • केप-टाऊनपासून दुबईपर्यंत त्यांनी मोठ्या शहरांमध्ये स्वतःचे आलिशान बंगले बांधले. फिरण्यासाठी त्यांनी स्वतःचे जेट विमानही घेतले.
  • जेकब झुमांचा मुलगा दुदुझेन हा त्यांचा व्यवसायात भागीदारच झाला तर त्यांच्या एका पत्नीला कंपनीचे कर्मचारी करण्यात आले.
  • लग्नसमारंभातील पाहुण्यांची ये-जा करण्यासाठी त्यांनी वॉटरक्लूफ हवाईतळाचा वापर केल्यानंतर २०१३साली गुप्तांचे नाव एकदम चर्चेत आले.
  • अर्थराज्यमंत्री मकेबिसी जोनास यांनी, व्यवसायासाठी विविध सवलती दिल्या तर आपल्याला अर्थमंत्री करु अशी ऑफर गुप्ता बंधुंनी दिल्याचा आरोप केला होता.
  • त्यासाठी झालेल्या बैठकीचे आयोजन जेकब झुमांचा पुत्र दुदुझेनने केले होते असाही त्यांचा आरोप होता.
  • त्यानंतर अनेक माध्यमांमध्ये गुप्ता बंधुंच्या भ्रष्टाचाराची प्रकरणे बाहेर येऊ लागली. त्यांच्या विविध पार्ट्यांमध्ये बोलावलेल्या पाहुण्यांची यादीही प्रसिद्ध झाली होती.
  • जेकब झुमा राष्ट्राध्यक्षपदी असल्याने त्यांच्यावर कोणत्याही प्रकारची कारवाई झाली नाही. आता मात्र त्यांच्या साम्राज्याला कारवाईला सामोरे जावे लागत आहे.

ज्येष्ठ साहित्यिक मधु मंगेश कर्णिक यांना कविवर्य विंदा करंदीकर जीवन गौरव पुरस्कार २०१८ जाहीर.

कोणत्याही टिप्पण्‍या नाहीत:

टिप्पणी पोस्ट करा