मोदींना अफगाणिस्तानच्या सर्वोच्च नागरी सन्मान
- पंतप्रधान नरेंद्र मोदी यांना अफगाणिस्तानच्या सर्वोच्च नागरी सन्मान “आमिर अमानुल्लाह खान” पुरस्काराने सन्मानित करण्यात आले.
- हेरातमधील ऐतिहासिक अफगाण-भारत मैत्री धरणाचे उद्घाटन केल्यानंतर राष्ट्रपती अशरफ घानी यांनी मोदींना हा सन्मान प्रदान केला आहे.
- हा पुरस्कार प्राप्त करणारे ते पहिले भारतीय आणि जगातील थोडक्यात परदेशी नेत्यांमधील एक आहेत.
आरबीआयचे द्वैमासिक पतधोरण जाहीर
- रिझर्व्ह बॅंकेने (आरबीआय) द्वैमासिक पतधोरण जाहीर करताना, रेपो रेट ६.५० टक्क्यांवर आणि रोख राखीव गुणोत्तर (सीआरआर) ४ टक्क्यांवर कायम ठेवले आहे.
- यापुढील काळात मान्सूनची प्रगती आणि विविध आर्थिक घडामोडी विचारात घेऊन पुढील पतधोरण आढाव्यात व्याजदरकपातीबाबत विचार केला जाईल, असे आरबीआयचे गव्हर्नर रघुराम राजन यांनी स्पष्ट केले.
| पतधोरण आढावा ठळक वैशिष्ट्ये | ||
|---|---|---|
| दर | पूर्वीचा | नवीन |
| रेपो दर | ६.५ | ६.५ |
| रिव्हर्स रेपो दर | ६ | ६ |
| मार्जिनल स्टँडिंग फॅसिलिटी | ७ | ७ |
| बँक रेट | ७ | ७ |
| सीआरआर | ४ | ४ |
पंतप्रधान अमेरिका दौऱ्यावर
- तीन दिवसांच्या अमेरिका दौऱ्यावर आलेले पंतप्रधान नरेंद्र मोदी अमेरिकन राष्ट्राध्यक्ष बराक ओबामा यांना भेटून व्दिपक्षीय संबंधांचा आढावा घेणार आहेत तसेच अमेरिकन काँग्रेसच्या संयुक्त अधिवेशनामध्ये भाषण करणार आहेत.
- अमेरिकन काँग्रेसमध्य भाषण करणारे ते भारताचे पाचवे पंतप्रधान आहेत. राष्ट्राध्यक्ष बराक ओबामा यांच्या निमंत्रणावरुन मोदी अमेरिका दौऱ्यावर आले आहेत.
- स्वित्झर्लंड दौऱ्यावरुन मोदी वॉशिंग्टनमध्ये दाखल झाले. या दौऱ्यात मोदींनी न्यूक्लियर सप्लायर ग्रुपमध्ये (एनएसजी) भारताच्या समावेशासाठी महत्वपूर्ण असलेला स्वित्झर्लंडचा पाठिंबा मिळवला. स्वित्झर्लंड एनएसजीचा सदस्य आहे.
- २०१४ पासून मोदी यांचा हा चौथा अमेरिका दौरा असून, सध्या मोदी पाच देशाच्या दौऱ्यावर आहेत. अफगाणिस्तानवरुन कतार, स्वित्झर्लंड, अमेरिका आणि त्यानंतर मोदी मेक्सिकोला जाणार आहेत.
- अमेरिका दौऱ्यावर असलेल्या पंतप्रधान नरेंद्र मोदी यांच्या उपस्थितीत अमेरिकेने काही प्राचीन मुर्त्या भारताला परत केल्या आहेत.
- यात जैन मुर्ती, ब्रॉंझच्या गणेशमुर्तीचा समावेश आहे. चोरी किंवा अन्य मार्गाने अमेरिकेत आलेल्या २०० मुर्त्या प्राचीन भारतीय मुर्त्या अमेरिका भारताला परत करणार आहे.
‘जीआरडीआय’मध्ये भारत दुसऱ्या क्रमांकावर
- जागतिक किरकोळ उद्योग विकास निर्देशांकामध्ये (जीआरडीआय) भारताने ३० विकसनशील देशांच्या यादीत १३ क्रमांकांनी झेप घेत सध्या दुसरे स्थान पटकावले आहे.
- देशांतर्गत उत्पादन (जीडीपी) वाढ व थेट परकी गुंतवणुकीमध्ये पारदर्शीपणा या निकषांवर भारताने या यादीमध्ये दुसरे स्थान मिळविले आहे. या यादीत चीन पहिल्या क्रमांकावर आहे.
- २०१३ ते २०१६ या आर्थिक वर्षांदरम्यान यामध्ये भारताच्या किरकोळ बाजारात ८.८ टक्क्यांनी वाढ झाली आहे. तसेच, वार्षिक विक्रीचा आकडा १० अब्ज डॉलरच्यावर (१ ट्रिलीयन) गेला.
- जगभरातील विकसनशील देशांमध्ये उद्योगांना पूरक अशा देशांमध्ये भारत आता दुसऱ्या क्रमांकावर पोचला आहे.
- ‘ग्लोबल रिटेल डेव्हलपमेंट इंडेक्स’तर्फे दरवर्षी ३० विकसनशील देशांना ही क्रमवारी देण्यात येते. किरकोळ क्षेत्रातील व्यापारासाठी हे देश किती सुलभ व अनुकूल आहेत या निकषांवर ही श्रेणी ठरवली जाते.
- उद्यमशीलतेमध्ये सातत्य दाखवणारे या यादीतील पहिले पाच देश : चीन, भारत, रशिया, व्हिएतनाम, चिली
पुदुच्चेरीत व्हीआयपींच्या सायरन वापरावर बंदी
- पुदुच्चेरीच्या नायब राज्यपाल किरण बेदी यांनी अतिमहत्त्वाच्या (व्हीआयपी) व्यक्तींच्या वाहनांवरील सायरनच्या वापरावर बंदी घालण्याचा निर्णय घेतला आहे. यामध्ये राजभवनातील सुरक्षा रक्षक वाहनांचा देखील सामावेश आहे.
- रुग्णवाहिकांना आणि अग्निशमन दलाच्या वाहनाना मात्र सायरनचा वापर करता येणार आहे. मात्र, व्हीआयपी वाहनांचे विशेषाधिकार रद्द करण्यात आले आहेत.
- व्हीआयपी वाहनांसाठी आता वाहतूक थांबविली जाणार नसून, सामान्य लोकांची या वाहनांमुळे गैरसोय होणार नाही याची काळजी घेतली जाणार आहे.
- प्रवाशांची गैरसोय होऊ नये म्हणून वाहतूक शाखेच्या पोलिसांना वाहतूक नियमनासाठी योग्य संख्येत कर्मचारी व अधिकारी नेमण्याचे आदेश दिले असल्याचेही या प्रसिद्धीपात्राकामध्ये म्हटले आहे.
सेरेना जगातील सर्वाधिक कमाई करणारी महिला खेळाडू
- ‘फोर्ब्स’ने जगातील गेल्या वर्षभरात जास्त कमाई करणाऱ्या महिला खेळाडूंची यादी जाहीर केली. त्यात टेनिसपटू सेरेना विलियम्स जगातील सर्वाधिक जास्त कमाई करणारी महिला खेळाडू ठरली आहे.
- ‘फोर्ब्स’ च्या सर्वेक्षणानुसार, सेरेना विलियम्सने गेल्या वर्षभरात सर्वाधिक २८.९ दशलक्ष डॉलर्सची कमार्इ केली आहे. तर गेली ११ वर्षे मारिया शारापोवा ही सर्वाधिक जास्त उत्पन्न मिळवणारी खेळाडू होती.
- मारिया शारापोवाची यंदाच्या वर्षातील कमार्इ २१.९ दशलक्ष डॉलर्स आहे. नायके, पोर्श, टॅग हायर, अमेरिकन एक्सप्रेस अशा बड्या ब्रँडसाठी मारिया शारापोवा काम करत होती.
- पण वर्षाच्या सुरूवातीलाच तिच्यावर उत्तेजक द्रव्य सेवनाचा ठपका लागला. त्यामुळे काही प्रायोजक कंपन्यांनी तिच्यासोबत काम करण्यास तयार झाला नाहीत. याचा परिणाम तिच्या आर्थिक व्यवहारात दिसून आला.
| सर्वांत महागड्या महिला खेळाडू | ||
|---|---|---|
| क्र. | खेळाडू | कमाई (दशलक्ष डॉलर्स) |
| १. | सेरेना विलियम्स | २८.९ |
| २. | मारिया शारापोवा | २१.९ |
| ३. | रोंडा रौसी | १४ |
| ४. | डॅनिका पॅट्रीक्स | १३.९ |
| ५. | अॅग्निएझ्का रदवांस्का | १०.२ |
उमंग बेदी फेसबुकचे भारतातील नवे एमडी
- सोशल नेटवर्किंगमध्ये सर्वाधिक लोकप्रिय असलेल्या फेसबुकने भारतातील व्यवस्थापकीय संचालकपदी उमंग बेदी यांची नियुक्ती केली आहे.
- सध्या फेसबुकच्या भारतातील व्यवस्थापकीय संचालकपदी किर्थिगा रेड्डी आहेत. त्यांच्या जागी उमंग बेदी यांची निवड करण्यात आली आहे. किर्थिगा रेड्डी या अमेरिकेतील फेसबुकच्या मुख्यालयात उच्च पदावर काम करणार आहेत.
- उमंग बेदी हे फेसबुकच्या आधी अॅडोब कंपनीच्या दक्षिण आशिया विभागाचे व्यवस्थापकीय संचालक म्हणून कार्यरत होते.
- आशियातील इतर देशांच्या तुलनेत सध्या भारतात फेसबुक वापरकर्त्यांचे प्रमाण जास्त आहे.
कोणत्याही टिप्पण्‍या नाहीत:
टिप्पणी पोस्ट करा