चालू घडामोडी : १३ एप्रिल
राष्ट्रकुल स्पर्धा : भारतीय खेळाडूंकडून पदकांची लयलूट
- नेमबाजी
- महाराष्ट्राच्या तेजस्विनी सावंतने ५० मी. रायफल थ्री पोजीशन प्रकारात विक्रमी ४५७.९ गुणांची नोंद करत सुवर्णपदकाची कमाई केली.
- या स्पर्धेतले तेजस्विनीचे हे पहिले सुवर्णपदक ठरले आहे. यापूर्वी तेजस्विनीने ५० मी. रायफल प्रोन प्रकारात रौप्यपदकाची कमाईदेखील केली आहे.
- पुरुषांच्या २५ मीटर रॅपिड फायरमध्ये अनिश भानवालाने सुवर्ण पदक जिंकले. या कामगिरीसह अनिश भारताकडून सर्वात कमी वयात सुवर्णपदक मिळवणारा खेळाडू ठरला आहे.
- याव्यतिरीक्त अंजुम मुद्गीलने ५० मीटर रायफल थ्री पोजीशन प्रकारातच रौप्यपदकाची कमाई केली.
- बॉक्सिंग
- ६९ किलो गटात मनोज कुमारने कांस्यपदक जिंकले.
- टेबल टेनिस
- महिला दुहेरीत भारताच्या मनिका बत्रा आणि मौर्ना दास जोडीने रौप्यपदक जिंकले
- महिला दुहेरीत सुतिर्था मुखर्जी आणि पुजा सहस्त्रबुद्धे जोडीने कांस्यपदक जिंकले.
- कुस्ती
- ६५ किलो वजनी गटात बजरंग पुनियाने भारतासाठी सुवर्ण पदक पटकावले.
- ९७ किलो वजनी गटात फ्री-स्टाईल कुस्तीमध्ये मौसम खत्रीला रौप्यपदक.
- ५७ किलो वजनी गटात फ्री-स्टाईल कुस्तीमध्ये पूजा धांडाला रौप्यपदक.
- ९१ किलो वजनी गटात भारताच्या नमन तंवरला कांस्यपदक.
नवाझ शरीफ यांची राजकीय कारकीर्द संपुष्टात
- पाकिस्तान सर्वोच्च न्यायालयाने दिलेल्या ऐतिहासिक निर्णयामुळे पाकिस्तानचे माजी पंतप्रधान नवाझ शरीफ यांची राजकीय कारकीर्द संपुष्टात आली आहे.
- पाक राज्यघटनेच्या कलम ६२ (१) (एफ) अंतर्गत दोषी ठरलेला लोकप्रतिनिधी किंवा सरकारी कर्मचाऱ्यांवर आजीवन बंदी घातली जाईल, असा निर्णय न्यायालयाने दिला आहे.
- गेल्या वर्षी पनामा पेपर्स प्रकरणी पाकिस्तान सुप्रीम कोर्टाने नवाझ शरीफ यांना याच कलमांन्वये शरीफ यांना दोषी ठरवत पंतप्रधान पदावर राहण्यास अपात्र ठरविले होते.
- त्यामुळेच न्यायालयाच्या या निर्णयामुळे आता शरीफ यांना यापुढे कधीच सार्वजनिक पद स्वीकारता येणार नाही.
- याआधी त्यांना राजकीय पक्षाच्या अध्यक्षपदीही राहता येणार नाही, असेही न्यायालयाने स्पष्ट केले होते.
कोणत्याही टिप्पण्‍या नाहीत:
टिप्पणी पोस्ट करा