६५वे राष्ट्रीय चित्रपट पुरस्कार २०१८

  • संपूर्ण भारतीय कलाविश्वाचे लक्ष लागून राहिलेल्या मानाच्या ६५व्या राष्ट्रीय चित्रपट पुरस्कारांची घोषणा दिल्लीच्या शास्त्री भवनात करण्यात आली.
  • चित्रपट क्षेत्रातील विविध विभागांसाठी हे पुरस्कार जाहीर करण्यात आले. ३ मे २०१८ रोजी हे पुरस्कार प्रदान केले जाणार आहेत.
  • यंदाच्या पुरस्कार सोहळ्यासाठी नेमण्यात आलेल्या परिक्षकांच्या ज्युरीचे नेतृत्व दिग्दर्शक शेखर कपूर यांनी केले होते.

पुरस्कारांची यादी

  • मराठी चित्रपटांना मिळालेले पुरस्कार:
  • सर्वोत्कृष्ट मराठी चित्रपट: कच्चा लिंबू
  • सर्वोत्कृष्ट बालचित्रपट: म्होरक्या (मराठी चित्रपट)
  • स्पेशल मेन्शन (फीचर फिल्म): म्होरक्या (यशराज कऱ्हाडे)
  • सर्वोत्कृष्ट संकलन: मृत्युभोग
  • सर्वोत्कृष्ट दिग्दर्शक (लघुपट): नागराज मंजुळे (पावसाचा निबंध) 
  • सर्वोत्कृष्ट लघुपट (नॉन फीचर): मयत (सुयश शिंदे)
  • सर्वोत्कृष्ट प्रमोशनल चित्रपट: चंदेरीनामा (राजेंद्र जंगले)
  • नर्गिस दत्त पुरस्कार (फीचर फिल्म): धप्पा (निपुण धर्माधिकारी) [हा पुरस्कार राष्ट्रीय एकतेवर आधारलेल्या चित्रपटास दिला जातो.]
  • इतर पुरस्कार:
  • सर्वोत्कृष्ट चित्रपट: व्हिलेज रॉकस्टार (सुवर्ण कमळ)
  • सर्वोत्कृष्ट अभिनेता : रिद्धी सेन (नागर्कीर्तन)
  • सर्वोत्कृष्ट अभिनेत्री: श्रीदेवी (मॉम)
  • सर्वोत्कृष्ट सहाय्यक अभिनेत्री: दिव्या दत्ता (इरादा)
  • सर्वोत्कृष्ट हिंदी चित्रपट: न्यूटन (निर्माता: अमित मसुरकर)
  • सर्वोत्कृष्ट साहसी दृश्य: अब्बास अली मोगल (बाहुबली २)
  • सर्वोत्कृष्ट स्पेशल इफेक्ट्स: बाहुबली २
  • उत्तम करमणूक करणारा चित्रपट: बाहुबली २
  • सर्वोत्कृष्ट नृत्य दिग्दर्शन: गणेश आचार्य (गोरी तू लठ मार: टॉयलेट एक प्रेम कथा)
  • स्पेशल मेन्शन (फीचर फिल्म): अभिनेता पंकज त्रिपाठी (न्यूटन)
  • सर्वोत्कृष्ट बॅकग्राऊंड स्कोअर: ए. आर. रहमान (मॉम)
  • सर्वोत्कृष्ट तेलुगू चित्रपट: गाझी
  • सर्वोत्कृष्ट लद्दाखी चित्रपट: वॉकिंग विद द विंड
  • सर्वोत्कृष्ट तामिळ चित्रपट: टू लेट
  • सर्वोत्कृष्ट बंगाली चित्रपट: मयूरक्षी
  • सर्वोत्कृष्ट कन्नड चित्रपट: हेब्बत रामाक्का
  • सर्वोत्कृष्ट मल्याळम चित्रपट: थोंडीमुथलम दृक्शियम
  • सर्वोत्कृष्ट ओरिया चित्रपट: हॅलो आर्सी
  • सर्वोत्कृष्ट गुजराती चित्रपट: दह..
  • सर्वोत्कृष्ट आसामी चित्रपट: इशू

विनोद खन्ना यांना दादासाहेब फाळके पुरस्कार जाहीर

  • या राष्ट्रीय चित्रपट पुरस्कार सोहळ्यात प्रख्यात दिवंगत अभिनेते विनोद खन्ना यांना भारतीय चित्रपटसृष्टीमध्ये मानाचा समजला जाणारा दादासाहेब फाळके पुरस्कार (मरणोत्तर) जाहीर झाला आहे.  
  • ७०च्या दशकात उत्तम अभिनेता म्हणून बॉलीवूड गाजवणाऱ्या विनोद खन्ना यांनी उत्तरार्धात कुशल नेता म्हणूनही छाप पाडली होती. गतवर्षी दीर्घ आजारामुळे त्यांचे निधन झाले. 
  • ‘मन की मीत’ या चित्रपटातून विनोद खन्ना यांनी आपल्या कारकीर्दीला सुरुवात केली होती. त्यांनी कारकिर्दीत खलनायकाच्या भूमिकेकडून नायकाच्या भूमिकेकडे यशस्वी प्रवास केला.
  • १९७१साली प्रदर्शित झालेला ‘हम तुम और वो’ हा त्यांचा नायक म्हणून पहिला चित्रपट होता.
  • अमर अकबर अँथनी, मुकद्दर का सिकंदर, जमीर, हेराफेरी, बर्निंग ट्रेन हे विनोद खन्ना यांचे विशेष गाजलेले चित्रपट होते. 
  • त्यांनी वाजपेयी सरकारमध्ये काही काळ सांस्कृतिक आणि पर्यटन खात्याचे मंत्रिपद भूषवले, तसेच नंतर परराष्ट्र खात्याचे राज्यमंत्रिपदही भूषवले.

कोणत्याही टिप्पण्‍या नाहीत:

टिप्पणी पोस्ट करा