हैदराबाद येथील गचीबॉली क्रीडासंकुलात झालेल्या अंतिम सामन्यात गतविजेत्या पाटना पायरेट्सने जयपूर पिंक पँथर्सचा पराभव करत प्रो-कबड्डी लीग स्पर्धेच्या चौथ्या पर्वाचे जेतेपद मिळवले.
प्रो-कबड्डीमधील पटनाचे हे सलग दुसरे विजेतेपद ठरले आहे.
पाटनाकडून १६ गुणांची कमाई करणारा प्रदीप नरवाल या विजेतेपदाचा शिल्पकार ठरला.
भारताची युवा अ‍ॅथलीट पुजा कुमारी कालवश
भारताची युवा अ‍ॅथलीट पुजा कुमारी हीचा भोपाळ येथील साई सेंटर जवळ असलेल्या तलावात बुडून मृत्यू झाला आहे.
मत्स्योत्पालनासाठी बनवलेल्या या तलावातील माशांसोबत सेल्फी काढण्यासाठी गेलेल्या पुजाचा पाय घसरला आणि ती तलावात बुडाली.
स्टिपलचेस या प्रकारातील धावपटू असलेली २० वर्षीय पुजा आपल्या दोन सहकारी खेळाडूंसोबत सराव करून परतत असताना ही दुर्घटना घडली.
उत्तराखंडची असलेली पुजा कुमारी गेल्या तीन वर्षांपासून साईमध्ये स्टिपलचेसचे प्रशिक्षण घेत आहे. गेल्या वर्षी २००० मीटर मध्ये तीने रौप्य पदकही पटकावले.
कोणत्याही टिप्पण्‍या नाहीत:
टिप्पणी पोस्ट करा