चालू घडामोडी : २६ मार्च

अमेरिकेतून ६० रशियन राजनैतिक अधिकाऱ्यांची हकालपट्टी

• अमेरिकेतल्या ट्रम्प सरकारने अमेरिकेतून ६० रशियन राजनैतिक अधिकाऱ्यांची हेर असल्याचा ठपका ठेवून हकालपट्टी केली आहे. तसेच सिएटल येथील रशियन दुतावास बंद करण्याचाही आदेशही दिला आहे.
• हकालपट्टी केलेल्या अधिकाऱ्यांना अमेरिका सोडण्यासाठी सात दिवसांची मुदत देण्यात आली आहे.
• ब्रिटनच्या एका माजी गुप्तहेरावर विषप्रयोग करण्यात रशियाचा हात असल्याचा युरोपियन महासंघाला संशय आहे.
• या पार्श्वभूमीवर युरोपियन देश आणि अमेरिकेने रशियाला धडा शिकवण्यासाठी उचललेले हे पाऊल उचलल्याचे सांगितले जात आहे. 
• अमेरिकेसह जर्मनी, पोलंड, फ्रान्स, युक्रेन, लॅटीव्हिया आणि लिथुआनिया या देशांनीही त्यांच्या रशियन दुतावासाच्या राजनैतिक अधिकाऱ्यांना निलंबित करणार असल्याची माहिती दिली आहे.
• हेरगिरीच्या आरोपावरून युरोपियन संघातील १४ देश रशियन राजनैतिक अधिकाऱ्यांना निलंबित करणार आहेत, असे युरोपियन युनियनचे अध्यक्ष डोनाल्ड टस्क यांनी सांगितले आहे.

डेटा सुरक्षेसाठी बी. एन. श्रीकृष्ण समिती

• डेटा सुरक्षेच्या विविध मुद्यांवर एक स्पष्ट कायदा असावा आणि त्याच्या कक्षेत तंत्रज्ञानाशी संबंधित कंपन्या आणि डेटाशी छेडछाड करणाऱ्यांना आणावे, या उद्देशाने माहिती व तंत्रज्ञान मंत्रालयाने मागील वर्षी ऑगस्टमध्ये सेवानिवृत्त न्यायाधीश बी. एन. श्रीकृष्ण यांच्या अध्यक्षतेखाली दहा सदस्यीय समितीची स्थापना केली होती.
• सद्या सरकारकडे याबाबत कोणताही कायदा नाही. त्यामुळे संबंधित प्रकरणात कायदेशीर कारवाई करता येत नाही.
• यात माहिती व तंत्रज्ञान मंत्रालयाचे तत्कालिन अतिरिक्त सचिव अजय कुमार यांच्याशिवाय दूरसंचार सचिव अरुणा सुंदरराजन आणि आधार प्राधिकरणाचे सीईओ अजय भूषण पांडेय यांचा समावेश करण्यात आला आहे.

---