चालू घडामोडी - ९ मार्च २०१५

·        ९ मार्च १६५० : संत तुकाराम पुण्यतिथी.

·        ऑल इंग्लंड बॅडमिंटन स्पर्धेत स्पेनची जागतिक विजेती कॅरोलिना मरिन मार्टिन हिने सायना नेहवालला पराभूत केले. ·        ६२ मिनिटे चाललेल्या लढतीत साईनास २१-१६, १४-२१, ७-२१ अशा पराभवास सामोरे जावे लागले. ·        ऑल इंग्लंड बॅडमिंटन स्पर्धेच्या अंतिम फेरीत पोहोचणारी सायना नेहवाल पहिली भारतीय महिला ठरली. ·        तसेच हि स्पर्धा जिंकणारी कॅरोलिना मरिन मार्टिन हि पहिली स्पॅनिश महिला ठरली. ·        ऑल इंग्लंड बॅडमिंटन स्पर्धेबद्दल ....... ·        जगातील सर्वात जुनी व मानाची बॅडमिंटन स्पर्धा ·        १८९८ पासून सुरुवात व तेव्हापासून दरवर्षी आयोजित केली जाते. ·        सुरुवातील फक्त तीन प्रकारांमध्ये हि स्पर्धा खेळवली जात. १. पुरुष दुहेरी २. महिला दुहेरी ३. मिश्र दुहेरी ·        १९०० पासून पुरुष व महिला एकेरी स्पर्धेला सुरुवात झाली. ·        एकेरी पुरुष गटात प्रकाश पदुकोन (१९८०) व पी. गोपीचंद (२००१) या भारतीयांनी हि स्पर्धा जिंकली आहे.

·        हरियाणाचे मुख्यमंत्री मनोहरलाल खट्टर यांनी आंतरराष्ट्रीय महिला दिनी (८ मार्च) ‘आपकी बेटी हमारी बेटी’ योजना राज्यात सुरु केली. ·        ‘आपकी बेटी हमारी बेटी’ योजनेची वैशिष्ट्ये ·        हरियाणातील लिंग गुणोत्तर वाढविण्यासाठी प्रयत्न करण्यात येणार. ·        शहरी व ग्रामीण दोन्ही भागांमध्ये हि योजना राबविण्यात येईल. ·        या योजनेमध्ये अनुसूचित जाती आणि दारिद्र्यरेषेखालील कुटुंबात २२ जानेवारी २०१५ नंतर जन्मलेल्या पहिल्या मुलीचा समावेश करण्यात आला आहे. या सर्व मुलींना २१,००० रु. दिले जातील. ·        तसेच जुळ्या मुली अथवा एकापेक्षा जास्त मुली जन्मलेल्या कुटुंबात प्रत्येक मुलीला २१,००० रुपये देण्यात येतील. ·        या योजनेबरोबरच हरियाणा सरकारने कन्या कल्याण व विकासासाठी ‘हरियाणा कन्या कोश’ देखील सुरु केला आहे.

·        पाकिस्तानने अण्वस्त्रवाहू शाहीन ३ या जमिनीवरून जमिनीवर मारा करणाऱ्या बॅलेस्टिक क्षेपणास्त्राची यशस्वी चाचणी घेतली. ·        या क्षेपणास्त्राचा पल्ला २,७५० किलोमीटर इतका आहे. ·        शाहीन ३ पाकिस्तानच्या ताफ्यातील मध्यम पल्ल्याच्या घोरी ३ या अण्वस्त्रवाहू क्षेपणास्त्राची जागा घेणार आहे.

·        ९ मार्च २०१५ रोजी पंतप्रधान नरेंद्र मोदी यांनी रोटाव्हायरस विरुद्धच्या भारतीय बनावटीच्या रोटावॅक या लसीचे उद्घाटन केले. ·        भारताने अमेरिकेच्या सहाय्याने रोटावॅक या लसीची निर्मिती केली आहे. ·        अतिसार (डायरिया) आणि पाण्याची कमतरता (डिहायड्रेशन) यामुळे बालकांचे बळी घेणाऱ्या ‘रोटाव्हायरस’ला रोटावॅकच्या माध्यमातून आळा घालणे शक्‍य होणार आहे.

·        स्पेक्‍ट्रम लिलावासाठी सरकारला विक्रमी प्रतिसाद मिळाला असून, टू जी आणि थ्री जी स्पेक्‍ट्रमसाठी अपेक्षित उद्दिष्टापेक्षा दूरसंचार कंपन्यांनी जास्त बोली लावली आहे. ·        आतापर्यंत स्पेक्‍ट्रमसाठी ८६ हजार कोटी रुपयांची बोली लावण्यात आली आहे.

·        नागालॅंडच्या दिमापूर शहरात बलात्कार प्रकरणातील आरोपीची संतप्त जमावाकडून हत्या झाल्यानंतर मोठ्या प्रमाणात अफवा पसरविण्यात येत असल्याने, पोलिसांनी इंटरनेट व एसएमएस सेवेवर बंदी घातली आहे. ·        या प्रकरणी आतापर्यंत २२ जणांना अटक करण्यात आली आहे.

·        बोको हराम या दहशतवादी संघटनेविरोधात चाड व नायजर या देशांनी मोठी कारवाई सुरु केली आहे. ·        ईशान्य नायजेरियाच्या भागामध्ये बोको हरामविरुद्ध या दोन देशांनी हवाई हल्ले सुरु केले आहेत. ·        याचबरोबर या दोन देशांनी नायजेरियाच्या हद्दीमध्ये कारवाई करण्यासाठी सैन्याच्या तुकड्याही घुसविल्या आहेत. हे ठिकाण कॅमेरुन देशाच्या सीमारेषेपासूनही जवळच आहेत.