चालू घडामोडी - १४ मार्च २०१५

·        १९८७ नंतर प्रथमच भारतीय पंतप्रधानांनी श्रीलंकेला भेट दिली. ·        भारत आणि श्रीलंकेदरम्यान व्हिसा, सीमाशुल्क, युवककल्याण आणि रवींद्रनाथ टागोर यांचे स्मारक उभारणे आदी चार करारांवर स्वाक्षऱ्या करण्यात आल्या. ·        श्रीलंकेतील रेल्वेच्या विकासासाठी भारत योगदान देईल, अशी घोषणा पंतप्रधान नरेंद्र मोदी यांनी केली. ·        श्रीलंकेचा रुपया स्थिर राहण्यासाठी भारतीय रिझर्व्ह बॅंक आणि सेंट्रल बॅंक श्रीलंका यांच्यादरम्यान चलन हस्तांतराबाबत सामंजस्य करार करण्यात आला आहे, असे त्यांनी सांगितले.

·        लोकप्रिय मेसेंजर ऍप ‘व्हॉटस्‌ ऍप’ने ‘व्हॉईस कॉलिंग फिचर’ ही सुविधा सर्व युजर्सकरिता खुली केली आहे. ·        व्हॉटस्‌ऍपच्या २.११.५२८ ही आवृत्ती प्रसिद्ध करण्यता आली असून त्यामध्ये ‘व्हॉईस कॉलिंस फिचर’ देण्यात आले आहे.

·        मुंबईवर २००८ मध्ये झालेल्या हल्ल्याचा सूत्रधार आणि लष्करे तैयबाचा दहशतवादी झकीउर रहमान लख्वी याला सोडण्याचे आदेश देण्यात आले आहे. ·        लख्वीला ताब्यात ठेवणे बेकायदेशीर आहे, असे सांगत इस्लामाबाद उच्च न्यायालयाने त्याला तातडीने सोडण्याचे आदेश पाकिस्तान सरकारला दिले आहेत. ·        या आदेशानंतर भारत सरकारने तीव्र नाराजी व्यक्त केली आहे.

·        पाकिस्तानने सर्व प्रकारच्या वातावरणात वापरता येणारे ‘ड्रोन’ आणि ‘लेझर गायडेड’ क्षेपणास्त्राची चाचणी घेतली. ·        या चाचणीच्या वेळी पाकिस्तानचे लष्करप्रमुख जनरल राहील शरीफ उपस्थित होते. ·        ड्रोनचे नाव ‘बराक’ असून, कोणत्याही वातावरणात लक्ष्याचा भेद घेण्याची त्याची क्षमता आहे, तर क्षेपणास्त्राचे नाव ‘बर्क’ आहे. ·        या दोन्ही गोष्टी संपूर्ण स्वदेशी असल्याचा दावा पाकिस्तानने केला आहे.

·        बॅंकांकडून घेतलेले कर्ज थकविण्याचे, बुडविण्याचे प्रमाण भयावह पद्धतीने वाढत असून, देशभरातील बॅंकांच्या बुडीत कर्जाची रक्‍कम (एनपीए) तीन लाख कोटींच्या घरात पोचली आहे. ·        डिसेंबर २०१४ अखेर देशातील नव्या-जुन्या खासगी, राष्ट्रीयीकृत, तसेच स्टेट बॅंक समूहातील बॅंकांकडील थकबाकी २ लाख ९१ हजार ७०६ कोटींवर पोचली आहे.

·        विदर्भ व मराठवाड्यातील २.२३ लाख शेतकऱ्यांचे अंदाजे १५६ कोटी रुपयांचे कर्ज व त्यावरील १५ कोटी रुपये व्याज अशी एकूण १७१ कोटी रुपयांची रक्कम शासन अदा करणार आहे. ·        त्यामुळे खासगी सावकारांच्या कर्जात अडकलेला शेतकरी कर्जमुक्त होणार आहे. ·        मात्र पगारदार व्यक्ती, निवृत्तीवेतनधारक, तसेच मुंबई दुकाने अधिनियम १९४८ नुसार परवानाधारक व्यक्ती (व्यापारी) या कर्जमाफी योजनेसाठी पात्र ठरणार नाहीत, असे मुख्यमंत्री  देवेंद्र फडणवीस यांनी स्पष्ट केले.

·        फुटीरतावादी नेता मसरत आलम याच्यावर कोणताही नवा गुन्हा दाखल नसल्याने, त्याला पुन्हा अटक करू शकत नाही. असे जम्मू-काश्मीर सरकारने स्पष्ट केले आहे. ·        मसरत आलम याची नुकतीच मुख्यमंत्री मुफ्ती महंमद सईद यांच्या नेतृत्वाखालील सरकारने सुटका केली होती. या सुटकेवरून देशभर गदारोळ झाला होता.

·        राष्ट्रीय स्वयंसेवक संघाच्या सरकार्यवाहपदी सुरेश ऊर्फ भय्याजी जोशी यांची पुन्हा तीन वर्षांकरिता नियुक्ती करण्यात आली आहे. गेल्या सहा वर्षांपासून जोशी हे संघातील दुसऱ्या क्रमांकाच्या प्रमुख पदावर कार्यरत आहेत.