चालू घडामोडी : ६ फेब्रुवारी

सहारा समूहाच्या अॅम्बी व्हॅली प्रकल्पावर जप्ती

• सेबी आणि सहारा उद्योग समूह यांच्यात सुरू असलेल्या वादामध्ये सर्वोच्च न्यायालयाने सहारा समुहाचा पुण्यातील अॅम्बी व्हॅली प्रकल्प जप्त करण्याचे आदेश दिले आहेत.
• समभागधारकांचे बुडविलेले २४,००० कोटी रुपये परत करावे यासाठी सेबीने सहारा समूहाविरोधात न्यायालयामध्ये धाव घेतली होती.
• त्यासाठी सुब्रतो रॉय यांच्या ३९,००० कोटी मूल्य असलेल्या अॅम्बी व्हॅली प्रकल्पावर जप्ती आणून पैसे वसूल करण्याचे आदेश न्यायालयाने दिले आहेत.
• त्यामुळे सहाराचा हा महत्त्वाकांक्षी प्रकल्प सहाराकडे असलेली थकीत रक्कम जमा होईपर्यंत सर्वोच्च न्यायालयाच्या ताब्यात राहणार आहे.
• याशिवाय ज्या संपत्तीचा लिलाव करता येईल अशा संपत्तीची यादी २० फेब्रुवारीपर्यंत द्यावी हा आदेशही न्यायालयाने दिला आहे..
• गुंतवणुकदारांना त्यांचे पैसे पुन्हा मिळवून देण्यासाठी वेळ पडल्यास या मालमत्तांचा लिलाव करण्यात येईल.
• सहारा समुहाने आत्तापर्यंत सुमारे ११ हजार कोटी रुपये भरले आहेत. आणखी एकूण १४,७७९ कोटी रुपये सहारा समूहाला सेबीला देणे बाकी आहे.
• ही रक्कम भरण्यासाठी सहाराने सर्वोच्च न्यायालयाकडे मुदत वाढवून मागितली होती. परंतु ती नाकारण्यात आली आहे.
• सुरुवातीला सहाराकडून मुद्दल वसूल करुन घेतले जाईल आणि नंतर व्याज वसूल केले जाईल असे न्यायालयाने म्हटले आहे.

 पार्श्वभूमी 

• छोट्या गुंतवणूकदारांना खोटे बाँड विकून हजारो कोटी रुपये कमवल्याच्या आरोपाखाली मार्च २०१४मध्ये पहिल्यांदा सुब्रतो रॉय यांना अटक करण्यात आली होती.
• जेव्हा रॉय यांच्या आईचे निधन झाले होते तेव्हा त्यांना पॅरोलवर बाहेर सोडण्यात आले होते. तेव्हापासून ते तुरुंगाबाहेरच आहेत.

ट्रम्प यांच्या प्रवेशबंदी आदेशाला स्थगिती

• सात मुस्लिम देशातील नागरीकांना अमेरिकेत प्रवेशबंदी करण्याच्या डोनाल्ड ट्रम्प यांच्या निर्णयाला अमेरिकेतील न्यायालयाने स्थगिती दिली आहे.
• न्यूयॉर्क, कॅलिफोर्निया, वॉशिंग्टनमधील न्यायालयाने ट्रम्प यांच्या आदेशाची अंमलबजावणी करु नये असा निर्णय दिला आहे. 
• त्यामुळे अमेरिकेचे राष्ट्रपती डोनाल्ड ट्रम्प यांनी अमेरिकेतील न्यायालयांवर संताप व्यक्त केला आहे.
• याशिवाय अंतर्गत सुरक्षा मंत्रालयाला ट्रम्प यांनी बाहेरून येणाऱ्या लोकांची कसून चौकशी करण्याचे आदेश दिले आहेत.
• न्यायालयाच्या या निर्णयामुळे इराण, इराक, लिबिया, सोमालिया, सुदान, सीरिया व येमेन या मुस्लीम देशातील नागरीकांचा अमेरिकेत प्रवेश करण्याचा मार्ग मोकळा झाला आहे.
• ट्रम्प यांच्या आदेशामुळे या देशातील नागरीकांना ९० दिवस प्रवेश बंदी लागू झाली होती.
• ज्यांच्याकडे वैध अमेरिकी व्हिसा आहे व ग्रीन कार्ड आहेत त्यांनाही याचा फटका बसला होता.

टाटा समुहातील सायरस मिस्त्रींचे अस्तित्व संपुष्टात

• टाटा समुहाच्या अध्यक्षपदावरुन निलंबित झालेल्या सायरस मिस्त्री यांना टाटा सन्सच्या संचालकपदावरुनही हटवण्यात आले आहे.
• भागधारकांच्या बैठकीत या प्रस्तावाला मंजुरी मिळाली असून आता सायरस मिस्त्री यांचे टाटा समुहातील अस्तित्व संपुष्टात आले आहे.
• गेल्या वर्षी ऑक्टोबरमध्ये सायरस मिस्त्री यांना टाटा सन्सच्या अध्यक्षपदावरुन हटवण्यात आले होते.
• टाटा सन्समध्ये टाटा ट्रस्टनंतर सर्वाधिक हिस्सा सायरस मिस्त्री यांच्या शापूरजी पालनजी समूहाचा आहे.
• त्यामुळे टाटामधील सर्व पदांवरुन सायरस मिस्त्री पायउतार झाले असले तरी समुहातील त्यांचा हिस्सा मात्र अजूनही कायम आहे.

अण्णाद्रमुकच्या विधिमंडळ पक्ष नेतेपदी शशिकला

• अण्णाद्रमुकच्या सर्वेसर्वा दिवंगत जयललिता यांच्या निकटवर्तीय शशिकला यांची अण्णाद्रमुकच्या विधिमंडळ पक्ष नेतेपदी निवड करण्यात आली आहे.
• तसेच पनीरसेल्वम यांनी तामिळनाडूच्या मुख्यमंत्रीपदाचा राजीनामा दिला आहे. त्यामुळे मुख्यमंत्रिपदासाठी साशिकला यांचा मार्ग प्रशस्त झाला आहे.
• ५ डिसेंबर २०१६ रोजी जयललिता यांचे निधन झाले. त्यानंतर अण्णाद्रमुकची सूत्रे शशिकला यांच्याकडे जाण्यास सुरुवात झाली.
• महिनाभरापूर्वीच पक्षाच्या बैठकीत शशिकला यांची पक्षाच्या सरचिटणीसपदी नियुक्ती करण्यात आली.

चीनचा अत्याधुनिक क्षेपणास्त्रासोबत युद्धाभ्यास

• चीनच्या पीपल्स लिबरेशन आर्मी (पीएलए)ने रॉकेट फोर्सच्या वेगाने मारा करू शकणाऱ्या अत्याधुनिक डीएफ-१६ या बॅलिस्टिक क्षेपणास्त्रासोबत युद्धाभ्यास केला आहे.
• चीनने तिसऱ्यांदा डीएफ-१६ या क्षेपणास्त्रासोबत सराव केला असून, हे क्षेपणास्त्र १००० किलोमीटरहून अधिक अंतरावरच्या प्रदेशालाही लक्ष्य करू शकते.
• भारत, जपान आणि अमेरिकेला भीती दाखवण्यासाठीच चीनने हे शक्तिप्रदर्शन केल्याची चर्चा आहे.
• अमेरिकेचे राष्ट्राध्यक्ष डोनाल्ड ट्रम्प यांनी चीनच्या दक्षिण चिनी समुद्रातील दाव्यावर कठोर धोरण अवलंबणार असल्याचे संकेत दिले आहेत.
• त्याच पार्श्वभूमीवर चीनने अमेरिकेला भीती दाखवण्यासाठी हा युद्धाभ्यास केल्याची चर्चा आहे.

राणी एलिझाबेथ द्वितीय यांच्या कारकिर्दीला ६५ वर्षे पूर्ण

• ब्रिटिश राजवटीत सफायर ज्युबिली (६५ वर्ष) पूर्ण करण्याचा मान राणी एलिझाबेथ द्वितीय यांना मिळाला आहे.
• इतक्या दीर्घ कालावधीसाठी सिंहासनावर राहण्याचा बहुमान मिळविलेल्या त्या जगातील पहिल्याच राणी ठरल्या आहेत.
• या दिवसाचे औचित्य साधून ब्रिटनमध्ये निळ्या रंगाच्या पाच पौंडच्या टपाल तिकिटाचे अनावरण करण्यात आले.
• सत्तेच्या सिंहासनावर सर्वाधिक काळासाठी असलेल्या त्या सद्यःस्थितीच्या एकमेव व्यक्ती आहेत.
• कॅनडा, ऑस्ट्रेलिया आणि न्यूझीलंडचेही सम्राज्ञीपद त्यांच्याकडे आहे. याशिवाय त्यांच्या काळात सुमारे १२ देश स्वतंत्र झाले.
• याच दिवशी ६ फेब्रुवारी १९५२ रोजी राणी एलिझाबेथ द्वितीय यांचे वडील पंचम जॉर्ज यांचा मृत्यू झाला होता.

 राणींची कारकीर्द 

• पूर्ण नाव : एलिझाबेथ ऍलेक्झांडर मेरी
• जन्म : २१ एप्रिल १९२६ (लंडन)
• सत्ता कालावधी : ६ फेब्रुवारी १९५२ ते आजपर्यंत
• राज्याभिषेक : २ जून १९५३

---