संयुक्त राष्ट्रसंघाची सांस्कृतिक शाखा म्हणून ओळख असलेल्या युनेस्कोच्या महासंचालक पदावर फ्रान्सच्या माजी सांस्कृतिक ऑड्री आझूले यांची नियुक्ती झाली आहे.
या पदासाठी झालेल्या निवडणुकीत, आझूले यांनी अंतिम टप्प्यात कतारचे उमेदवार हमाद बिन अब्दुल अझीझ अल कवारी यांचा ३० विरुद्ध २८ अशा केवळ दोन मतांनी पराभव केला.
२००९पासून युनेस्कोच्या महासंचालक आयरिना बोकोव्हा यांना त्यांच्या कारकिर्दीत आर्थिक संकटे तसेच पॅलेस्टाइनला युनेस्कोचे दिलेले पूर्ण सदस्यत्व यामुळे टीकेला सामोरे जावे लागले.
तसेच युनेस्को इस्राईलविरोधी भूमिका घेत असल्याचा आरोप करत अमेरिकेने १३ ऑक्टोबर २०१७ रोजी युनेस्कोतून बाहेर पडण्याचा निर्णय जाहीर केला आहे.
फेडररला शांघाय मास्टर्स टेनिस स्पर्धेचे जेतेपद
जागतिक क्रमवारीत प्रथम स्थानी असलेल्या राफेल नदालला (स्पेन) पराभूत करत रॉजर फेडररने (स्वित्झर्लंड) शांघाय मास्टर्स टेनिस स्पर्धेचे अजिंक्यपद पटकावले आहे.
फेडररचे हे दुसरे शांघाय विजेतेपद आहे. फेडररने याआधी २०१४मध्ये ही स्पर्धा जिंकली होती, तर २०१०मध्ये तो उपविजेता होता.
त्याचे कारकिर्दितील हे ९४वे विजेतेपद आहे. या विजयासह त्याने इव्हान लेंडलच्या विजेतेपदांची बरोबरी केली आहे.
आता विजेतेपदांच्या बाबतीत केवळ अमेरिकेचा जिमी कॉनर्स त्याच्या पुढे आहे. आंतरराष्ट्रीय टेनिसमध्ये पुरुष एकेरीत कॉनर्सने सर्वाधिक १०९ विजेतीपदे मिळविली आहेत.
२०१४च्या ऑस्ट्रेलियन ओपनपासून फेडररचा नदालविरुद्धचा हा सलग पाचवा विजय होता.
यापूर्वी हे दोघे ३७ वेळा आमनेसामने आले होते. त्यात नदालने २३, तर फेडररने चौदा वेळा बाजी मारली होती.
प्रसिद्ध पोलाद उद्योजक लक्ष्मी मित्तल यांच्या मित्तल फाऊंडेशनने ख्यातनाम हार्वर्ड विद्यापीठाला २५ दशलक्ष डॉलर्सची देणगी दिली आहे.
भारतासह दक्षिण अशियायी देशांशी संबंध वाढवावेत या उद्देशाने ही देणगी असून, विद्यापीठातील साऊथ अशिया इन्स्टिट्यूटसाठी कायमस्वरूपी निधी या देणगीतून निर्माण होईल.
यामुळे हार्वर्ड विद्यापीठाची दक्षिण अशिया इन्स्टिट्यूट यापुढे लक्ष्मी मित्तल साऊथ एशिया इन्स्टिट्यूट अँड हार्वर्ड युनिव्हर्सिटी म्हणून ओळखली जाईल.
लक्ष्मी मित्तल हे जगातील सर्वात मोठी पोलाद कंपनी आर्सेलर मित्तलचे ते अध्यक्ष व मुख्य कार्यकारी अधिकारी आहेत.
पनामा पेपर्सशी संबंधित महिला पत्रकाराची हत्या
पनामा पेपर्सचा घोटाळा उघड करणाऱ्या महिला पत्रकार डॅफनी कॅरुआना गलिजिया यांच्या कारमध्ये बॉम्बस्फोट घडवून त्यांची हत्या करण्यात आली आहे.
दक्षिण युरोपातील माल्टा देशात स्थायिक झालेल्या डॅफनी कारमधून जात असताना त्यांच्या कारमध्ये बॉम्बस्फोट झाला व या बॉम्बस्फोटात त्यांचा मृत्यू झाला.
पत्रकार डॅफनी यांच्या मृत्यूनंतर माल्टातील ३ हजार नागरिक रस्त्यावर उतरले असून, हल्ल्याच्या निषेधार्थ त्यांनी कँडल मार्चसुद्धा काढला आहे.
डॅफनी या स्वतंत्र ब्लॉग लिहित होत्या. ब्लॉगमधून त्यांनी भ्रष्टाचाराची अनेक प्रकरणे उघडकीस आणली होती. त्यामुळे त्यांची लेडी विकिलिक्स नावाने देखील निर्माण झाली होती.
डॅफनी यांनी २०१६मध्ये पनामा पेपर्समध्ये माल्टासंदर्भात अनेक खळबळजनक गौप्यस्फोट केले होते.
या गौप्यस्फोटांमध्ये आइसलँड, युक्रेनचे राष्ट्रपती, साऊदी अरेबियाचे शाह आणि इंग्लंडचे माजी पंतप्रधान डेव्हिड कॅमरुन यांच्या वडिलांच्या नावाचा समावेश होता.
तसेच रशियाचे पंतप्रधान व्लादिमीर पुतिन, अभिनेता जॅकी चेन आणि फुटबॉलपटू लायनल मेसी यांच्याबाबतही अनेक खुलासे केले होते.
कोणत्याही टिप्पण्‍या नाहीत:
टिप्पणी पोस्ट करा