चालू घडामोडी : २१ जानेवारी

मुख्य निवडणूक आयुक्तपदी ओम प्रकाश रावत

• केंद्र सरकारने मुख्य निवडणूक आयुक्तपदी ओम प्रकाश रावत यांची नियुक्ती केली आहे. ते मावळते मुख्य निवडणूक आयुक्त अचल कुमार ज्योती यांचे स्थान घेतील.
• अचल कुमार ज्योती यांचा कार्यकाळ २३ जानेवारीला संपतो आहे. त्यांनी ७ जुलै २०१७ रोजी तत्कालीन मुख्य निवडणूक आयुक्त नसीम झैदी यांच्याकडून पदभार स्वीकारला होता.
• निवडणूक आयोगाच्या नियमानुसार केंद्रीय निवडणूक आयोगामध्ये एक मुख्य निवडणूक आयुक्त, तर अन्य दोन निवडणूक आयुक्त असतात.
• मुख्य निवडणूक आयुक्तांच्या निवृत्तीनंतर राष्ट्रपती परंपरेप्रमाणे दोन निवडणूक आयुक्तांमधून वरिष्ठ अधिकाऱ्याची मुख्य निवडणूक आयुक्त म्हणून नियुक्ती करतात.
• रावत यांची मुख्य निवडणूक आयुक्तपदी नियुक्ती करण्यात आल्यानंतर अशोक लवासा यांची निवडणूक आयुक्त म्हणून नियुक्ती करण्यात आली आहे.
• अशोक लवासा हे याआधी अर्थ सचिव म्हणून काम करत होते. तेदेखील २३ जानेवारीपासून पदभार स्वीकारणार आहेत.

‘आप’च्या २० आमदारांचे सदस्यत्त्व रद्द

• राष्ट्रपती रामनाथ कोविंद यांनी लाभाचे पद स्वीकारणाऱ्या आम आदमी पार्टीच्या २० आमदारांचे सदस्यत्त्व रद्द करत त्यांना अपात्र ठरवले आहे.
• निवडणूक आयोगाने कारवाई करत लाभाचे पद स्वीकारणाऱ्या आपच्या २० आमदारांना राष्ट्रपतींनी अपात्र ठरवावे अशी शिफारस केली होती.
• राष्ट्रपती रामनाथ कोविंद यांनी ही शिफारस मान्य करत २० आमदारांना अपात्र ठरवले आहे.
• दिल्लीचे मुख्यमंत्री अरविंद केजरीवाल आणि त्यांच्या आम आदमी पक्षाला सगळ्यात मोठा झटका बसला आहे.
• मुख्यमंत्री अरविंद केजरीवाल यांनी १३ मार्च २०१५ ते ८ सप्टेंबर २०१६ या काळात आपच्या २० आमदारांची संसदीय सचिव म्हणून नेमणूक केली होती.
• या नियुक्त्या राज्यघटनेच्या अनुच्छेद १०२ (१) (अ) अन्वये बेकायदा असून, विधानसभेचे सदस्य असताना कोणीही हे पद स्वीकारू शकत नसल्याने २० आमदारांचे संसदीय सचिवपद दिल्ली उच्च न्यायालयाने रद्द केले होते.

फिल्मफेअर पुरस्कार सोहळा २०१८

• बॉलिवूडमधील प्रतिष्ठित मानला जाणाऱ्या पुरस्कारांपैकी एक म्हणजे ६३वा फिल्मफेअर पुरस्कार सोहळा २१ जन्वेवारी रोजी पार पडला.
• या पुरस्कार सोहळ्यात सर्वोत्कृष्ट म्हणून अभिनेता इरफान खान आणि सर्वोत्कृष्ट अभिनेत्री म्हणून विद्या बालन यांनी पुरस्कार मिळविला.
• सर्वोत्कृष्ट अभिनेता व अभिनेत्री (क्रिटिक्स) या पुरस्कारांवर अनुक्रमे राजकुमार राव आणि झायरा वसीम यांनी मोहोर उमटवली.
• या सोहळ्यात ज्येष्ठ अभिनेत्री माला सिन्हा आणि संगीतकार बप्पी लाहिरी यांना जीवनगौरव पुरस्काराने सन्मानित करण्यात आले.

 पुरस्कार विजेते 

• सर्वोत्कृष्ट अभिनेता (मुख्य भूमिका) : इरफान खान, हिंदी मिडिअम
• सर्वोत्कृष्ट अभिनेत्री (मुख्य भूमिका) : विद्या बालन, तुम्हारी सुलु  
• सर्वोत्कृष्ट अभिनेता (क्रिटिक्स अॅवॉर्ड) : राजकुमार राव, ट्रॅप्ड
• सर्वोत्कृष्ट अभिनेत्री (क्रिटिक्स अॅवॉर्ड) : झायरा वसीम, सिक्रेट सुपरस्टार 
• सर्वोत्कृष्ट चित्रपट (लोकप्रिय): हिंदी मिडिअम 
• सर्वोत्कृष्ट दिग्दर्शकः अश्विनी अय्यर तिवारी (बरेली की बर्फी)
• सर्वोत्कृष्ट दिग्दर्शक (पदार्पण) : कोंकणा सेन शर्मा (अ डेथ इन द गंज)  
• सर्वोत्कृष्ट सहाय्यक अभिनेता : राजकुमार राव (बरेली की बर्फी) 
• सर्वोत्कृष्ट कथा : अमित मसुरकर (न्यूटन) 
• सर्वोत्कृष्ट सहाय्यक अभिनेत्री : मेहेर विज (सिक्रेट सुपरस्टार) 
• सर्वोत्कृष्ट संवाद : हितेश कैवल्य (शुभ मंगल सावधान) 
• सर्वोत्कृष्ट पटकथा : शुभाशिष भुतियानी (मुक्ती भवन) 
• सर्वोत्कृष्ट पार्श्वगायिका : मेघना मिश्रा (नचदी फेरा - सिनेमा सिक्रेट सुपरस्टार)
• सर्वोत्कृष्ट पार्श्वगायक : अरिजीत सिंह (रोके रुके ना नैना - बद्रीनाथ की दुल्हनिया) 
• सर्वोत्कृष्ट गीत : अमिताभ भट्टाचार्य (उल्लू का पठ्ठा - सिनेमा जग्गा जासूस)

---