अमेरिकन कंपनी बोईंगकडून खरेदी करण्यात आलेल्या पी ८-आय या पाणबुडी विरोधी विमानांच्या खरेदी व्यवहारावर कॅगने प्रश्नचिन्ह उपस्थित केले आहे.
२००९साली काँग्रेसप्रणीत संयुक्त पुरोगामी आघाडी सरकारच्या कार्यकाळात भारतीय नौदलासाठी बोईंग कंपनीकडून या विमानांची खरेदी करण्यात आली होती.
भारतीय नौदलाला या कराराप्रमाणे आठ पी-८ आय विमाने मिळाली असून चीन आणि पाकिस्तानच्या पाणबुडयांवर हालचालींवर लक्ष ठेवण्याची या विमानाची मुख्य जबाबदारी आहे
याच प्रकारची आणखी चार विमाने खरेदी करण्यासाठी १ अब्ज डॉलरचा करार झाला असून, २०२०पर्यंत ही विमाने भारताला मिळतील.
पी-८ च्या समावेशानंतर नौदलाने रशियन बनावटीची टीयू-१४२ टेहळणी विमाने सेवेतून निवृत्त करण्यात आली होती.
एस्कॉर्टचे अध्यक्ष व एमडी राजन नंदा यांचे निधन
एस्कॉर्ट उद्योगसमूहाचे अध्यक्ष आणि व्यवस्थापकीय संचालक राजन नंदा यांचे ५ ऑगस्ट रोजी निधन झाले.
एस्कॉर्ट या कंपनीची सुरुवात राजन यांचे वडील हरप्रसाद आणि काका युदी नंदा यांनी लाहोरमध्ये १९४४ साली केली.
राजन नंदा हे १९६५पासून या कंपनीत कार्यरत झाले आणि १९९४मध्ये त्यांनी कंपनीच्या अध्यक्षपदाची सूत्रे हाती घेतली.
तेव्हापासून, उद्योगसमूह म्हणून एस्कॉर्ट्सच्या विविधांगी वाढीला चालना देण्याचे प्रयत्न त्यांनी केले होते.
‘सीआयआय’ या भारतीय उद्योग महासंघाचे ते पदाधिकारी होते. या महासंघाच्या कृषी-उद्योग शाखेचे प्रमुखही होते
अभिनेते राज कपूर यांची कन्या रितू या त्यांच्या पत्नी, तर अमिताभ बच्चन यांची कन्या श्वेता ही त्यांची सून होत.
सतीश मराठे व एस गुरुमूर्ती यांची आरबीआय संचालक मंडळावर नियुक्ती
‘सहकार भारती’ या राष्ट्रीय स्वयंसेवक संघप्रणीत सहकारी अर्थचळवळीचे प्रणेते, जनकल्याण आणि युनायटेड वेस्टर्न बँक आदींचे माजी अध्यक्ष सतीश मराठे यांची केंद्र सरकारने रिझव्‍‌र्ह बँकेच्या संचालक मंडळावर नियुक्ती केली आहे.
तसेच स्वदेशी जागरण मंचात सक्रिय असणारे सनदी लेखापाल स्वामिनाथन गुरुमूर्ती यांचीही पुढील चार वर्षांसाठी रिझव्‍‌र्ह बँकेच्या संचालक मंडळावर नियुक्ती झाली.
रा. रं. बोराडे यांना साहित्यसेवा जीवनगौरव पुरस्कार
सहकार चळवळीचे जनक पद्मश्री डॉ. विठ्ठलराव विखे पाटील यांच्या जयंती दिनानिमित्त देण्यात येणाऱ्या राज्यस्तरीय साहित्य पुरस्कारांची घोषणा ७ ऑगस्ट रोजी करण्यात आली.
या साहित्य पुरस्काराचे यंदाचे २७वे वर्ष असून पुढील वर्षी क्रीडा क्षेत्रात योगदान देणाऱ्या व्यक्तीला या पुरस्कारांमध्ये समाविष्ट करण्यात येणार आहे.
२५ ऑगस्ट रोजी पद्मश्री डॉ. विखे ११८व्या जयंतीनिमित्त प्रवरानगर येथे अखिल भारतीय मराठी साहित्य संमेलनाचे अध्यक्ष डॉ. लक्ष्मीकांत देशमुख यांच्या हस्ते पुरस्कारांचे वितरण करण्यात येईल.
ज्येष्ठ ग्रामीण साहित्यिक, माजी प्राचार्य रा. रं. बोराडे यांच्या साहित्य सेवेचा गौरव व्हावा म्हणून यंदाचा साहित्यसेवा जीवनगौरव पुरस्कार प्रदान करून त्यांचा सन्मान केला जाणार आहे. १ लाख रुपये, स्मृतिचिन्ह असे या पुरस्कराचे स्वरूप आहे.
बाबाराव मुसळे यांच्या झळाळ कादंबरीला दिला जाणारा पुरस्कार ५१ हजार रुपयांचा आहे. इतरही पुरस्कारांचे स्वरुप रोख रक्कम व स्मृतिचिन्ह असे आहे.
पुरस्कार विजेते
साहित्य जीवनगौरव पुरस्कार : ज्येष्ठ ग्रामीण साहित्यिक रा. रं. बोराडे.
उत्कृष्ट ग्रंथ पुरस्कार : बाबाराव मुसळे यांच्या झळाळ कादंबरीला.
उत्कृष्ट कवितासंग्रहाचा पुरस्कार : महेश लोंढे यांच्या ‘निद्रानाशाची रोजनिशी’ला.
कलागौरव : अभिनेते मिलिंद शिंदे
समाजप्रबोधनासाठी पुरस्कार : कीर्तनकार हभप शामसुंदर महाराज सोन्नर.
कोणत्याही टिप्पण्‍या नाहीत:
टिप्पणी पोस्ट करा