चालू घडामोडी - २५ जानेवारी २०१५

·      २५ जानेवारी : राष्ट्रीय मतदार दिन

·      तीनदिवसीय भारत भेटीवर आलेले अमेरिकन अध्यक्ष बराक ओबामा यांचे राष्ट्रपती प्रणव मुखर्जी आणि पंतप्रधान नरेंद्र मोदी यांनी स्वागत केले.

·      इस्लामिक स्टेट ऑफ सराक अँड सीरिया (इसिस) या दहशतवादी संघटनेने अपहरण केलेल्या जपानच्या दोन नागरिकांपैकी एकाची हत्या केल्याचा व्हिडिओ प्रसिद्ध केला आहे. ·      ‘इसिस’ने हत्या केलेला जपानी नागरिक हरुना याकुवा याच्यासह केंजी गोटो यांचेही गेल्यावर्षी अपहरण करण्यात आलेले होते. ·      ‘इसिस’ने हा व्हिडिओ प्रसिद्ध करताना दुसरा जपानी नागरिक सुखरूप हवा असेल तर पैशांची मागणी केली आहे. यापूर्वी ‘इसिस’ने या दोन्ही नागरिकांच्या सुटकेसाठी १२०० कोटी रुपयांची मागणी केली होती.

·      भारतरत्न डॉ. बाबासाहेब आंबेडकर यांनी उच्चशिक्षण घेताना लंडनमध्ये वास्तव्य केलेले ऐतिहासिक घर राज्य सरकारने खरेदी करण्याचा निर्णय घेतल्याचे मंत्री विनोद तावडे यांनी आज ट्‌विटरद्वारे सांगितले. ·      “हेरिटेज” वास्तू ·      डॉ. आंबेडकरांनी १९२१-२२ या काळात लंडन स्कूल ऑफ इकॉनॉमिक्‍समध्ये शिकताना १०, किंग हेन्री रोड या निवासस्थानी वास्तव्य केले होते. ·      हे निवासस्थान ब्रिटिश सरकारनेही “हेरिटेज” वास्तू म्हणून जाहीर केली असून, “भारतीय सामाजिक लढ्याचे अग्रणी डॉ. भीमराव रामजी आंबेडकर यांचा निवास येथे होता,”अशी पट्टीकाही घरावर लावली आहे.

·      अमेरिकेचे अध्यक्ष बराक ओबामा भारत दौऱ्यावर आल्यानंतर व्हाईट हाऊसकडून करण्यात आलेल्या ट्विटमध्ये ‘जय हिंद’ असा उल्लेख करण्यात आला आहे.

·      राज्यात २६ जानेवारी २०१५ रोजी ‘जलमुक्त शिवार अभियान’चे उद्घाटन होणार आहे. ·      ग्रामविकास खात्याच्या या महत्त्वाकांक्षी योजनेअंतर्गत १० हजार गावं दुष्काळमुक्त करण्याचा संकल्प करण्यात येणार आहे. ·      ग्रामविकास मंत्री: पंकजा मुंडे

·      भारतीय निवडणूक आयोग २५ जानेवारीला देशभरात पाचवा राष्ट्रीय  मतदार दिन साजरा करत असून यंदाची  संकल्पना “सोपी नोंदणी, सोपी दुरुस्ती” अशी आहे. ·      राष्ट्रीय कार्यक्रम नवी दिल्ली येथील जवाहरलाल नेहरु स्टेडिअमच्या भारत्तोलन सभागृहात माजी राष्ट्रपती ए.पी.जे. अब्दुल कलाम यांच्या अध्यक्षतेखाली  होणार आहे. ·      निवडणूक आयोगाची स्थापना २५ जानेवारी १९५० रोजी झाली असून मतदारनोंदणी वाढवणे, खासकरुन पात्र नवमतदारांची  नोंदणी करुन घेणे हे राष्ट्रीय मतदार दिनाचे उद्दिष्ट आहे.

·      अस्तंगत होत चाललेल्या गिधाडांची संख्या वाढत असल्यामुळे चर्चेत आलेले अभयारण्य: कुनो वन्यजीव अभयारण्य (मध्य प्रदेश) ·      २००३ मध्ये मोठ्या संख्येने मरण पावल्यामुळे गिधाडे अस्तंगत होण्याचा धोका निर्माण झाला होता.

·      राज्य सरकारी कर्मचाऱ्यांचे निवृत्तीचे वय ६० वरून ५८ करण्याचा हरयाणाचे मुख्यमंत्री मनोहरलाल खट्टर सरकारचा निर्णय पंजाब आणि हरयाणा उच्च न्यायालयाने वैध ठरविला आहे.